旺角• 新派小清新泰國fusion菜｜食物打卡又好食

記得之前食過,對佢印象係環境靚,食物唔錯仲好啱打卡😍所以當朋友約喺旺角見,好自然就諗起佢😌週末下午時段嚟到😲好熱鬧好多人,好好彩坐到最後一枱唔洗等😝 🥬路邊攤火蒜炒豬腩肉生菜包 ($118) 之前食過已經好鍾意❤️今次再食係必叫🤣豬腩肉炒得香脆,就算大大件肥膏都唔會覺得好肥膩😈鹹鹹甜甜嘅味道真係叫人食唔停😝另外值得一讚係生菜切細塊咗,包起上嚟唔會太大嚿食到大失儀態🤭 🌶篤篤炒卜卜蜆 ($128) 好足料好大份🤩隻隻蜆都好大好肥美😋肉質鮮甜仲要完全沒有沙,呢點做得幾好👍🏻辣度有得揀,我哋揀咗小辣,所以唔算好辣🌶️配埋秘製醬汁同紫蘇葉一齊食好惹味😙😙 🥩炭燒豬頸肉 • 酸辣青醬 ($118) 同樣係分量十分多😆豬頸肉燒得夠乾身,唔會覺油膩😙一咬去先係食到陣陣炭燒香氣,再落就食到香料香,所以唔需要醬汁都已經好夠味😋如果再沾上酸辣青醬,香香辣辣,味道就更高一層次🤤 🐬蝶豆花椰子奶蓋 ($48) 好靚好夢幻嘅顏色😍奶蓋好輕盈,椰汁混合蝶豆花後都飲到香濃嘅椰子味,但又唔會好甜👍🏻好清新,好啱夏日炎炎嘅天氣飲☀️ 🧋泰國珍珠奶茶奶蓋 ($48) 係泰奶茶嘅味道👅香味十足,但又唔會過甜😙混合奶蓋後滿滿嘅奶香,口感就更加幼滑👍🏻珍珠好煙靭,同泰奶茶好夾😆 #泰菜#泰國美食#旅行美食#打卡美食#泰國#美食推介#Foodie#旺角美食#旺角好去處#旺角餐廳#旺角必食#旺角一日遊#旺角cafe#旺角美食推介#theforest#打卡熱點#打卡餐廳